.png)
.png)
فيلم عماد عقل فيلم فى منتهى الروعة إذا لم تتغير همتك وتفكيرك بعد مشاهدتك للفيلم بل أثناء المشاهدة ادع الله أن يمن عليك بقلب وهمة فأنت لا همة لك أد إه الناس دى كان عندها غاية وهدف وبتسعى لتحقيقها جزاه الله خيرا أ/ عمرو خالد قال مقولة حلوة أوى المقولة دى قالها من تلت سنين تقريبا ( محدش بيحط فى دماغه فكرة ويعيش علشانها ويبذل جهده من أجلها إلا ويحققها)
فعلا عماد حط فى دماغه فكرة وعاش عشانها وفى الآخر ربنا أكرمه بتحقيقها ، الفيلم ده بيوصل رسالة لكل صاحب فكرة خليك مصمم على فكرتك وبيوصل رسالة لكل المربيين متفضلوش تقولوا للي بتربوهم شفوتوا عماد عمل إه إعملوا زيوه لاء مش دى الرسالة اللى إحنا عايزينها لوكنت بتقول كده للى بتربيهم فأنا بقولك شفت عماد عمل إه إنت عملت إه إبدأ بنفسك الأول ولو بدأت مش حتحتاج خالص إنك تقول لهم شفوتوا عماد عمل إه ساعتها هم حيكون عماد عقل فى أماكنهم، كفاية بقه يا مربيين كفاية يا بتوع التربية لحد إمتى حتقولوا لنا حسن البنا عمل ويحيى عياش عمل والرنتيسى عمل ومعرفش مين عمل ومعلش أنا آسفة انتوا مربتوناش على المبادئ اللى إحن اممكن نكون بيها زيهم أصاحب رسالة ومبدأوأصحاب فكرة بندافع عنها أيوة إحنا عندنا مبادئ ورسالة وفكرة بندافع عنها بس بندافع عنها تلقينا وعلمتونا إن إحنا مينفعش نعمل كده حفاظاعلى...........ومينفعش نعمل حاجة إلا بستأذان واللى استأذان يجر استأذان لحد الحاجة فى الآخر اللى إحنا عايزين نعملها متتنسى وهلم جرا أنا شخصيا وصلت لمرحلة إنى بطلت أطرح أى فكرة على حد لما أعوز اعمل حاجة أعملها وبعدين أقول أنا عملت كذا مثلا عايزين نعمل مجلة أو ..او.. يقولوا لما نستأذن والمستأذن يستأذن وهكذا فقررت إنى يا جماعة يا مسئولين أنا عملت المجلة دى مثلا عن غزة خدوا نزلوها بجيب من الآخرفرسالتى للمربين لو عايزين تغيروا بلدكم عايزين تعيدوا مجد أمتكم يبقى انتوا عايزين عماد عقل فى كل مكان ولو حبتوا يكون عندكم عماد عقل يبقى انتوا محتاجين مربين زى اللى ربوا عماد أو محتاجين تربوا الناس على اللى اتربى عليه عماد فبالله عليكم خدوا روابط الفيلم ونزلوه واتفرجوا عليه وانشروه لأكبر عدد من المربين والناس فعماد خلاص استشهد ولم يبقى لنا إلا ذكراه لم يبقى لنا أثره
فعلا لاتقتضى بمن حى فإن الحى لاتؤمن بوائقه خلى عماد ادمكوا
ورسالتى للشباب عماد محدش قاله اعمل ولا سوى لاء ده لقى ثغرة من ثغور الإسلام محتاج حد يسدها فقال أنا لها أنا لها وكان عنده همة عالية جابها منين من علاقته بربنا كل الدنيا مهدودة بتدور عليه ومش الدنيا دى إسرائيل ومهدد فى كل مكان مش جالوا استدعى ولا إنذار ولا باباه قالوه مشى جنب الحيط يا ابنى لاء ده الموضوع موضوع حاجة حبها وبيدافع عنها حاجة اتغلغل حبها فى قلبه كل ده بيجرى حواليه ومع ذلك منساش إن يشحن رصيده بالصلة اللى بينه وبين ربنا فى قيام الليل فعلا صدقت يارسول الله لما قلت شرف المؤمن قيام الليل شرف فى الدنيا والآخرة
ولينا وقفة أخرى معالبطل الأسطورة عماد عقل
